रुसवा...

माळण्यास आणली आहेत मी
ही शुभ्र फुले मोगऱ्याची
का रुसलीस प्रिय सखे
काय झाली चुक पामराची.......

पौर्णेमेची ही रात्र आहे सखे
धवल चंद्र बघ नभी उगवला
काय खता झाली प्रिये माझी
माझा चंद्र का बरे रुसला???.....

नजर इकडे तिकडे भिरभिरलेली
गौर वर्ण,नाजुक नासीका फुललेली
अधर पाकळी दाता खाली दाबलेली
गोड दिसतेस, जरी असली रुसलेली........

स्पर्शीता तनुस ,का हात झिडकारतेस?
भामीनि मी प्रिय सखा,का दुर लोटतेस??
मनवण्यात जरी प्रिये, मध्य रात्र उलटली
पण प्रणयाची धुंदि नाहि अजुन उतरली........

सुहास्य वदने, सुंदरी, रुसवा सोड हा
मान्य चुका, जरी नसतिल मी केल्या
संपव अबोला, अन छळवाद, तु हास,
ये मिठीत, विनवितो तुला तुझा दास......

अविनाश बेधुंद.स्वच्छंदी..मुक्त जीवन

तुलाही,मलाही

नहालीस तु, केस मोकळे पाठीवरी ऒले,
स्पर्शातुन सखे ओल जाणवे,तुलाही,मलाही

घेतले मीठीत मी सखे तुजला,चुंबिले,
मिटला दुरावा चार दिवसांचा ,तुझाही,माझाही

स्पर्शीता हळुवार उरोज,घसरला टॉवेल तनुवरुन
नसे भान त्याचे प्रिये,तुलाही,मलाही

रस गंधाची माद्क बरसात,उधळण असे,
धुंद करी ते, तुलाही,मलाही

शयन गृहाचे कवाड सखे असे उघडे,
नसे भान त्याचें, तुलाही,मलाही

कामधूंद सखे असे तु, असे मीहि कामातुर
नसे लज्जा, नसे भय, तुलाही,मलाही

अविनाश बेधुंद.स्वैर..मुक्त जीवन

नयन नक्षत्रांचे चाळे

नयन नक्षत्रांचे चाळे बघता बघता
तुला निट निरखता आलेच नाहि.

ऒठांत उष्ण अधर फोडी घेता घेता
हनुवटी वरचा तिळ दिसलाच नाहि.

न्याहळता नजरेने काचोळी तले यौवन
तोल संभाळता आलाच नाहि

मेंदिची केशरी नक्षी बघता बघता
बिल्वरी चुडा बघितलाच नाहि

मोकळे दाट केस छेडता छेडता
गंध ग्लानी आलि समजले नाहि

गात्रांतुन ओसंडणारे लावण्य बघता
तुझे सोळा श्रुंगार बघितलेच नाहि

झेलता कटाक्ष,लावण्य सुंदरी तुझा
भंगलो, मी, एकसंध रहाता आले नाहि.

मंत्रमुग्ध झालो ,लाघवि बोलणे ऎकता ऎकता
सांगावयाचे तुला, ते सांगता आलेच नाहि..
Avinash/...................

हे प्रेम नाहि तर काय आहे?

मला बघुन तुझ मधाळ हसण
बघुन न बघितल्या सारख करण
मी बघीतल्यावर गोड लाजण
सखे..हे प्रेम नाहि तर काय आहे?

ड्रेस खरेदी करताना,
माझी आवड लक्षात घेण
मग तो घालुन माझ्या समोर मिरवण
"छान दिसतोय" म्हणाल्यावर
तुला आवडला विचारण..
हो म्हटल्यावर खुष होण..
सखे..हे प्रेम नाहि तर काय आहे?

ऑरकुट वर माझ Scrap बुक चेक करण
कुणाचे Scrap आले बघण
मुलिंचे Scrap दिसले की चिड्चिडण
सखे..हे प्रेम नाहि तर काय आहे?

माझ्या बद्दल मैत्रीणींनी विचारल्यावर हसण
"तोच सारखा विचारतोय" अस सांगण
"अग तस काही नाहि" म्हणत..
We are just friends
म्हणत सफाई देण
सखे..हे प्रेम नाहि तर काय आहे?

सारखी भेटायची वाट पहाणे
भेटल्यावर कृतक कोप लटक रागावणे
कान धरून माफ़ी मगितल्यावर
गालावर खळी उमटणे
सखे .. हे प्रेम नाही तर काय आहे

तु माझ्यावर प्रेम करण,
हे माझे सौभाग्य आहे
तुज कडे मन धाव घेण
हे माझे प्राक्तन आहे
तुझी अन माजी ओळख
हि युगा युगाची आहे.
मी तुझा अन तु माझी
हे तर विधिलिखीत आहे....!

अविनाश बेधुंद.स्वैर..मुक्त जीवन

प्रेम रोग

त्याच्या एका कटाक्षाने घायाळ झाले
त्याच्या मधु हास्यावर मोहित झाले
रात्री नाहि निद्रा,दिवसा चांदणे दिसु लागले
मी माझीच होते पण आता मी माझी न राहिले ...
कोणी सांगेल का .... काय मला हे झाले ???

अग सखे ऎक बोल अनुभवाचे....

त्या चित्त चोरांने, तुला पुरते लुट्ले ग
तुलाच तुझ्यापासुन, पळवुन नेले ग

आता तु कशी राहशिल सखे तुझी तु
त्याच्या मोहमयी प्रेम पाशात अडकलीस तु

हा आजार गोड फार, पण जिवघेणा असे
लक्षणे तर दिसतात, प्रेम रोगाची सखे

हा रोग मुरे शरिरी, वेदना थेट काळजास
हकिम, वैद्य, थकले, नाहि दवा या रोगास.

अनुभवाचे बोल ऎक तु,एकच यावर उपाय असे.
प्रियकराचे दर्शन,हा खात्रीचा उपचार असे

भेट त्याला उपवनी,नभात शरद चांदणे असे
चुंबनालिंगने,सहवास,हिच त्या रोगावर दवा असे

अविनाश.............